दमकमा यस्तो बन्दैछ विश्वकै अग्लो बुद्धको मूर्ति

झापाको दमकमा विश्वकै सबैभन्दा अग्लो दाबी गरिएको मूर्ति निर्माण प्रक्रिया सुरु भएको छ ।<br /> <br /> मूर्तिमात्रै १६४ मिटर अग्लो हुनेछ । ‘मूर्तिको बेसमा ३ तल्ला हुन्छ,’ दमक नगरपालिकाका कार्यकारी अधिकृत युवराज दाहालले भने, ‘तलसमेत जोड्दा १९४ मिटर अग्लो हुन्छ ।’<br /> <br /> ‘विराट बुद्ध प्रतिमा आयोजना’ को विस्तृत आयोजना प्रतिवेदन (डीपीआर) तयार भएको छ । राजधानीमा भएको कार्यक्रममा पूर्वप्रधानमन्त्री एवं एमाले अध्यक्ष केपी शर्मा ओलीसमक्ष डीपीआर सार्वजनिक गरियो । पूर्वपश्चिम राजमार्गको दमक चौकबाट १५ किलोमिटर उत्तरमा मूर्ति रहनेछ ।<br /> <br /> आयोजनाका लागि अहिले ३६ बिगाहा जमिन छुट्याइएको छ । तर सरोकारवालाहरुले भने उक्त जमिन थोरै भएको भन्दै थप जमिन अधिग्रहण गर्न माग गरेका छन् । पूर्ववर्ति ओली सरकारले आफ्नो नीति तथा कार्यक्रम र बजेटमा विश्वकै अग्लो बुद्धमूर्ति निर्माण गर्ने योजना अघि सारेको थियो ।<br /> <br /> एमाले अध्यक्ष ओलीले पनि बेलडाँगी भुटानी शरणार्थी शिविर करिव खाली हुने अवस्थामा पुगेको भन्दै उक्त जमिन प्रयोग गर्न सकिने बताए । ‘यो वृहत्त् आयोजना हो,’ उनले भने, ‘कम्तिमा १ हजार जग्गा चाहिन्छ, त्यसको प्रबन्ध गर्नुपर्छ ।’<br /> <br /> आयोजनामा प्रस्ताव गरिए अनुसारका संरचना निर्माणका लागि कम्तीमा १ हजार बिगाहा जग्गा आवश्यक पर्ने सरोकारवालाले पनि सुनाए ।<br /> <br /> परियोजनामा बौद्ध विश्वविद्यालय, चैत्य, ध्यान केन्द्रहरु, पुस्तकालय, अष्टबुद्ध चक्रपथ, संग्राहलय, खुला ध्यान केन्द्र, अखण्ड दीप आदि सामेल गराइने दमक नगरपालिकाका कार्यकारी अधिकृत युवराज दाहालले जानकारी दिए । परियोजना निर्माणपछि बौद्ध पर्यटनको विकास, बौद्ध चक्रपथमा थप आकर्षण र स्थानीय अर्थतन्त्रमा सकारात्मक प्रभाव पार्ने उनको भनाइ छ ।<br /> <br /> हंसेदुम्से सामुदायिक बनउपभोक्ता समितीको अधिनमा रहेको उक्त जंगल क्षेत्र मासेर बुद्ध पार्कका लागि उपयोग गर्न नखोजिएको पनि ओलीले स्पष्ट पारे । ‘त्यस जंगलमा जतिवटा रुख छन् त्यति नै, अथवा अझै बढी रुख खोप्न सकिन्छ,’ उनले भने ।<br /> <br /> ओलीले बुद्धपार्कमा मौरी र चराचुरुंगीले पनि बास र खानेकुरा पाउनुपर्ने बताउँदै फल्ने र फुल्ने जातका विरुवा रोप्न सुझाए ।<br /> <br /> नेपाल बुद्धको जन्मभूमि मात्र नभएर बुद्धिज्मको आधारभूमि पनि भएको बताउँदै ओलीले भने, ‘नेपाल बुद्धको बर्थ प्लेस मात्र नभएर बुद्धिज्मको फाउन्टेन पनि हो ।’ उनले कि हाइट भएको कि लाइट भएको चिज टाढाबाट देख्न सकिने उल्लेख गरे । ‘सगरमाथाको हाइटले संसारले देख्छ बुद्धको बुद्धत्वको प्रकाश (लाइट) ले नेपाललाई संसारले देखेको छ । दमकमा निर्माण हुने यो प्रतिमाले नेपाललाई संसारमा चिनाउनका लागि र पर्यटक भित्र्याउनका लागि थप मद्धत गर्दछ,’ उनले भने ।<br /> <br /> कार्यक्रममा इलाम क्षेत्र न. २ मा का सांसदसमेत रहेका पूर्वसभामुख सुवासचन्द्र  नेम्वाङले यो आयोजना समग्र नेपालको गौरवको आयोजना हुने बताए । आयोजनाले स्थानीय बासिन्दाको जीवनस्तर उकास्नका लागि समेत महत्वपूर्ण भूमिका निर्वाह गर्ने अपेक्षा गरिएको नेम्वाङले बताए । उनले ओली सरकारले देखाएका धेरै सपनामध्ये यो पनि एक भएको बताउँदै समयमै पूरा गर्न सबैले साथ दिनुपर्ने बताए ।<br /> <br /> राष्ट्रिय योजना आयोगका पूर्वउपाध्यक्ष डा. युवराज खतिवडाले सरकार, निजी क्षेत्र र समूदायको पहल भए निर्माण छोटो समयमै पूरा हुने उल्लेख गरे ।<br /> <br /> परियोजना प्रतिवेदन मल्टीडिसिप्लिनरी कन्सल्नेन्ट, डिजाइन कन्सल्टेन्ट र ए–नट इन्जिनियरिङ कुपण्डोलले तयार गरेको हो । नगरपालिका कार्यलयले जनाए अनुसार एक महिना भित्र सरकरालाई यो प्रतिवेदन बुझाएपछि यसको निर्माण कार्य सुरु हुनेछ ।<br /> <br /> आयोजना निर्माणका लागि बिभिन्न दातृ संस्थाहरुले चासो देखाएका नेपाल उद्योग वाणिज्य महासंघका पूर्वउपाध्यक्ष भाष्करराज राजकर्णिकारले जानकारी दिए । उनले पनि ओली सरकारले अघि बढाएको आयोजना पूरा गर्न पनि स्वयं ओलीकै सक्रियता हुनुपर्नेमा जोड दिए ।<br /> <br /> आयोजनाको कुल लागत करिब १५ अर्ब ५० करोड रुपैयाँ अनुमान गरिएको छ । ‘तर लागत अझै बढ्न सक्छ,’ कार्यकारी अधिकृत दाहालले भने, ‘पैसाको अभाव हुनेछैन ।’

दमकमा यस्तो बन्दैछ विश्वकै अग्लो बुद्धको मूर्ति

झापाको दमकमा विश्वकै सबैभन्दा अग्लो दाबी गरिएको मूर्ति निर्माण प्रक्रिया सुरु भएको छ । मूर्तिमात्रै १६४ मिटर अग्लो हुनेछ । ‘मूर्तिको बेसमा...

Read more »

प्रेमीले बोलाएर सामूहिक बलात्कार, भिडियो भयो भाइरल

कपिलवस्तुको पकडी गाविस, पकडी बजार किनारमा रहेको सिसौ बगैँचामा एक युवती सामूहिक बलात्कृत भएकी छन्। ७ जना स्थानीय युवाले बलात्कार गरेको भिडियो भाइरल भएपछि घटना सार्वजनिक भएको हो।<br /> <br /> गत माघ २६ गते दिउसो ३ बजेतिर युवाको समूहले पालैपालो बलत्कार गरेको प्रहरीले बताएको छ। उनलाई बगैँचामा बलत्कारका क्रममा नाङ्गै बनाई मोबाईलबाट भिडियो खिचिएको थियो। भिडियो करिब ३० मिनेटको छ।<br /> <br />  घटनामा संलगन युवा राजनीतिक पहुँचवाला र पैसवाला भएकोले घटनालाई दबाउन खोजिएको अधिकारकर्मी बताउँछन्।<br /> १७ वर्षकी ती युवतीको पकडी गाबिस– ४ पिचुर्खीका २० वर्षे बब्लु भन्ने अब्दुल रसिदसँग प्रेम सम्बन्धमा थिइन्। आफ्नै प्रेमीले डेटिङका लागि बोलाएर सो घटना गराएको प्रहरीको प्रराम्भिक अनुसन्धानले देखाएको छ।<br /> <br /> बलात्कारपछि धम्की दिएपछि घटनाबारे युवतीले कसैलाई भनेकी थिइनन्। सो हर्कतको भिडियो सार्वजनिक भएपछि घटनाको रहस्य खुलेको हो। भिडियो पकडी बजार हुँदै कपिलवस्तु वरपर भाइरल भएको छ। भिडियाका ५ क्लिपमध्ये प्रहरीले तीन भिडियो हात पारेको छ। सो भिडियोमा ५ जनाले युवतीलाई नाङ्गै बनाई कुटपीट गरको स्पष्ट दृष्य छ। युवतीले आफूलाई छाड्न रोइकराइ गरी अनुनय गर्दा पनि उनीमाथि बलात्कार भएको देखिन्छ।<br /> <br /> घटना माघ २६ गते को भए पनि माघ २९ गते मात्र प्रहरीले थाहा पाएको थियो।<br /> <br /> प्रहरीले घटनामा संलग्नमध्ये दुई जनालाई पक्राउ गरिएको प्रहरी उपरिक्षक भोजजंग शाले बताए। सार्वजनिक भिडियोका आधारमा पकडी– ४ पिखुर्खीका २० वर्षे बब्लु भन्ने अब्दुल रसिद र २६ वर्षे राहत हुसेन पक्राउ परेका हुन्। पीडित युवतीले सामुहिक बलत्कारको किटानी जाहरीका आधारमा उनीहरुलाई पक्राउ गरिएको हो।<br /> <br /> कति जनाविरुद्ध अनुसन्धान भइरहेको भन्ने जानकारी प्रहरीले गोप्य राखिएको छ। घटनापछि पीडित परिवारलाई युवाहरुले धम्की दिएपछि परिवारै भैरहवामा लुक्न गएको थियो। प्रहरीले उनीहरुको खोजवीन गरी भैरहवाबाट झिकाएको हो।<br /> <br /> फागुन २९ गते प्रहरीले युवतीको स्वास्थ्य परिक्षण गराएको थियो। प्रहरी उपरिक्षिक शाहले पीडित युवतीले आफूलाई नाङ्गै बनाएर कुटपटि र गालीगलौज गरेको बताए। माघ २९ गते प्रहरीको सम्पर्कमा अाएकी ती युवती अहिले कहाँ छिन त्यसबारे प्रहरीले कसैलाई जानकारी दिएको छैन।<br /> <br /> घटनामा संलगन युवा राजनीतिक पहुँचवाला र पैसवाला भएकोले घटनालाई दबाउन खोजिएको अधिकारकर्मी बताउँछन्। इस्को प्रतिनिधि नन्दराम पौडढेल घटना भएको यति दिन बित्दा बल्ल घटनाको सार्वजनिक हुनुले पनि घटना लुकाउन खोजेको देखिएको बताउँछन्।<br /> <br /> घटना सार्वजनिक भएपछि सामाजिक सञ्जालमार्फत सर्वसाधारणले दोषीमाथि कडा कारवाहीका लागि आवाज उठाएका छन्। युवतीको भारतको लौटन थानमा विवाह भएको थियो।

प्रेमीले बोलाएर सामूहिक बलात्कार, भिडियो भयो भाइरल

कपिलवस्तुको पकडी गाविस, पकडी बजार किनारमा रहेको सिसौ बगैँचामा एक युवती सामूहिक बलात्कृत भएकी छन्। ७ जना स्थानीय युवाले बलात्कार गरेको भिडियो...

Read more »

'चिहान’ माथि उत्रिएको खुसी

नेपालगन्ज- कालिकोट, कोटबाडाका मानबहादुर बिष्टलाई 'चिहान’माथि जहाज उत्रिएला भन्ने कहिल्यै लागेको थिएन। सशस्त्र द्वन्द्वको बेला डेढ दशकअघि १७ कामदारसहित ३५ सर्वसाधारणको ज्यान गएको निर्माणाधीन सुनथराली विमानस्थल उनको मानसपटलमा विमानस्थल नभई सामूहिक चिहानको रुपमा बसेको थियो।<br /> <br /> शनिबार बिहानको दृश्यले भने उनको मानसपटलमा गढेर बसेको छाप बदलिदियो। बिहान ९ः५५ बजे १४ यात्रुसहित तारा एयरको जहाज जब सुनथरालीको रनवेमाथि दौडियो, उनको आँखामा हर्षका आँसु टलपलाए। 'हामीले चिहानमाथि यसरी जहाज आउला भनेर आस मारिसकेका थियौं,’ मानबहादुरले भने, 'तर आज नसोचेको भयो, यो त साँच्चिकै एयरपोर्ट नै बन्यो।’<br /> <br />  माओवादी विद्रोहीको मंगलसेन आक्रमणपछि विद्रोही खोज्दै हिँडेको सेनाले ३५ व्यक्तिको इहलीला समाप्त पारेको थियो यही कोटबाडामा जहाँ धादिङ, जोगिमाराबाट मजदुरी गर्न गएका १७ कामदारसमेत परेका थिए।<br /> १२ फागुन २०५८। यो दिन कोटबाडावासीका लागि साँच्चिकै कालो दिन थियो। माओवादी विद्रोहीले साताअघि अछामको मंगलसेन आक्रमण गरेपछि विद्रोहीलाई खोज्दै हिँडेको नेपाली सेनाले ३५ व्यक्तिको इहलीला समाप्त पारेको थियो। घटनामा धादिङ, जोगिमाराबाट मजदुरी गर्न गएका १७ कामदार पनि परे। उक्त घटना देखेका र भोगेका थुप्रै स्थानीय शनिबार जहाज हेर्न सुनथरालीमा झुम्मिएका थिए। उनीहरुको मनभित्र दुइटा कुरा खेलिरहेका थिए– त्यो कालो दिन, यो सुनौलो दिन।<br /> <br />  २०४२ सालमा निर्माण सुरु भएको विमानस्थलको निर्माण कार्यमा २०५८ फागुनको त्यो घटना ठूलो धक्का थियो। त्यसअघि निर्माण सुस्त भए पनि एक दिन त पक्कै बन्ला नि भन्ने आसमा थिए स्थानीय। उक्त घटनापछि त्यो आस पनि लगभग मारिसकेका थिए। तर, शनिबार राज्यले तारा एयरको विमानमार्फत सुनथरालीमा साँच्चिकै खुसी ओसार्‍यो। कांग्रेसका स्थानीय नेतासमेत रहेका कालिकोट, राम्नाकोटका मोतिराज बमले तीन दसक लामोे प्रतीक्षापछि आएको खुसीलाई रोक्न सकेनन्। उनले आफ्नो फेसबुक पेजमा भने :<br /> <br />   तारा एयर सरर<br /> <br />   सुनथराली थरर<br /> <br />   हर्षले आँसु बरर<br /> <br /> ३१ वर्षदेखि अधुरै रहेकाले राज्यसमेत सुनथराली विमानस्थल सम्पन्न हुनेमा विश्वस्त थिएन। नेपाल नागरिक उड्ययन प्राधिकरणका उपमहानिर्देशक राजकुमार क्षत्रीका अनुसार विमानस्थल निर्माणमा करिब १७ करोड रुपैयाँ खर्च भइसक्दासमेत सम्पन्न कहिले हुन्छ भन्ने निश्चित थिएन। हुम्लाका सांसद भदौ १० गते जीवनबहादुर शाहीले पर्यटन तथा नागरिक उड्ययन मन्त्रालयको जिम्मेवारी सम्हालेपछि भने कालिकोटवासीको सपना फेरि ब्युँतियो। 'मन्त्र्रीज्यूले जिम्मेवारी सम्हालेलगत्तै सुनथराली विमानस्थल सञ्चालनमा ल्याउने प्रतिबद्धता व्यक्त गर्नुभएको थियो,’ क्षत्रीले भने, 'उहाँकै अठोटले कालिकोटमा जहाज ओराल्न सफल भइयो।’<br /> <br />  मन्त्री शाहीसमेत पदभारग्रहण गरिसकेपछि तीनपटक सुनथराली विमानस्थल निरीक्षण गर्न पुगेका थिए। उनले माघ मसान्तसम्म परीक्षण उडान गर्ने गरी काम गर्न निर्देशन दिएका थिए। ६ सय ५० मिटर लामो विमानस्थलमा परीक्षण उडान सफल भएपछि कालिकोट देशका ठूला सहरसँगको हवाई सम्बन्धमा जोडिएको छ। उपमहानिर्देशक शाहीले फागुन दोस्रो सातादेखि नियमित उडान गर्ने गरी कार्यालय तथा मानवस्रोत व्यवस्थापनका काम भइरहेको जानकारी दिए।<br /> <br />  सशस्त्र द्वन्द्वकालमा निर्माणाधीन सुनथराली विमानस्थल युद्धको रणमैदान नै बन्यो। सरकारी सुरक्षाकर्मी र माओवादी विद्रोहीले परेड खेल्ने  थलो बनेको कोटवाडामै माओवादी विद्रोहीले मजदुरलाई ढाल बनाएर आफ्नो अभ्यासस्थल बनाए। कतिपटक त सेनाले हेलिकोप्टरबाट विमानस्थलमा बम खसाल्ने गरेको मानबहादुरको स्मरणमा ताजै छ।<br /> <br /> 'सेनाले माओवादी भनेर आकाशबाट बम खसाल्थ्यो, त्यसको मारमा भने हामी पर्थ्यौं,’ २०५८ मंसिरमा विमानस्थलमै बमको छर्रा लागेर घाइते मानबहादुरले भने, 'युद्धकालभरि यो ठाउँ युद्धमैदान बन्यो, शान्ति आएपछि चिहानको झल्कोले सताइरह्यो।’<br /> <br /> चुनौती उत्तिकै<br /> <br /> सुनथरालीमा जहाज त उत्रियो, तर यसको नियमित सञ्चालन उत्तिकै चुनौती छ। कर्णाली राजमार्गको निर्माण र स्तरोन्नतिसँगै स्थानीयको यात्रा सहज हुन थालेको छ। दशकअघिसम्म हवाई यात्राको विकल्प थिएन। अहिले सुनथरालीको फेदबाटै कर्णाली करिडोर गुडेको छ। यस्तो अवस्थामा हवाई उडानलाई नियमित र भरपर्दो बनाउनुपर्ने स्थानीयको माग छ।<br /> <br /> 'ढिलै भए पनि एयरपोर्ट बनेको छ, अब यसलाई प्रभावकारी रुपमा सञ्चालन गर्न आवश्यक पूर्वाधार निर्माण गर्नुपर्छ,’ रकुका भानु पाण्डेले भने, 'सडकसँग प्रतिस्पर्धा गर्नु कम चुनौती छैन।’ कोटबाडा–मान्म जोड्ने रोपवे र कर्णाली करिडोरबाट विमानस्थलसम्म पुग्ने सडक मार्ग बनाउनुपर्ने उनले बताए।<br /> <br /> उपमहानिर्देशक क्षत्रीसमेत विमानस्थलको भविष्य स्थानीयको हातमा रहेको बताउँछन्। 'जहाज आउनु ठूलो कुरा होइन, अब यसलाई यहाँका जनताले माया गर्नुपर्छ,’ उनले भने, 'स्थानीय यात्रुले जतिसक्दो बढी यसको प्रयोग गर्नुपर्‍यो।’ विमानस्थल कम्पनीले पनि यात्रुलाई आकर्षित गर्ने गरी उडान सेवा दिनुपर्ने उनले बताए।<br /> <br /> मृतकलाई सम्मान खै?<br /> <br /> शनिबार सुनथरालीमा जहाज उत्रिँदा कालिकोटवासी जति खुसी छन्, उनीहरुलाई एउटै कुरा खड्किएको छ– मृतकको सम्मान। विमानस्थल निर्माण क्रममा ज्यान गुमाएकाको सम्मान र सम्झनामा राज्यले केही गर्नुपर्ने उनीहरुको माग छ। 'यो एयरपोर्ट मजदुरको रगत–पसिनाबाट बनेको हो, उनीहरुको श्रम र साहसको कदर गरिनुपर्छ,’ विमानस्थल निर्माण क्रममा घाइते भएका तथा ज्यान गुमाएकालाई उपचार गरेका स्थानीय स्वास्थ्यकर्मी गोविन्द गिरी भन्छन्, 'उनीहरुका आत्माको सम्मान नभएसम्म वास्तविक खुसी आउने छैन।’<br /> <br />  विमानस्थल निर्माण क्रममा हत्या गरिएका धादिङ, जोगिमाराका मजदुरबारे डकुमेन्ट्री बनाएका पत्रकार मोहन मैनाली राज्यले विमानस्थल निर्माणको लागि ज्यान गुमाएका व्यक्तिको सम्मान गर्नुपर्ने बताउँछन्। 'विमानस्थलमा टेक्नेलाई विमानस्थल बनाउनेहरु कसरी मारिए भन्ने जानकारी लिनु आवश्यक हुन्छ,' उनले भने, 'यसका लागि विमानस्थलको प्रवेशद्वार र बाहिर निस्कने ठाउँमा देखिने गरी स्मारक बनाउनुपर्छ।'

'चिहान’ माथि उत्रिएको खुसी

नेपालगन्ज- कालिकोट, कोटबाडाका मानबहादुर बिष्टलाई 'चिहान’माथि जहाज उत्रिएला भन्ने कहिल्यै लागेको थिएन। सशस्त्र द्वन्द्वको बेला डेढ दशकअघि...

Read more »

अम्बाको पातबाट पाइने फाइदाहरु

हाम्रै घर तथा वरपर पाईने कतिपय यस्तो चिजहरु जसको प्रयोग र फाइदाको बारेमा हामी अन्जान रहेका हुन्छौँ र सानो समस्यामा पनि केमिकल युक्त बजारमा पाईने औषधी सेवन गर्ने गर्छौँ । कतिपय घरेलु जडिबुटीले पनि धेरै किसिमका स्वास्थ्य समस्या समाधान गर्न सकिन्छ ।<br /> आज हामी त्यहि जडिबुटीको रुपमा लिईने अम्बाको पातको बारेमा चर्चा गर्नेछौँ । अम्बा तपाइ हामी सबैलाई थाहा छ । हामी अम्बा निकै स्वाद लिएर खाने गर्छौँ तर त्यहि अम्बाको पात सेवन गर्नु पनि निकै फाईदा हुन्छ भन्ने हामी मध्ये कतिलाई थाहा नभएको हुनसक्छ । अम्बाको पात एन्टीअक्सिडेन्ट, एन्टीब्याक्टेरियल जस्ता गुुणले भरिएको हुन्छ । छाला, कपाल र स्वास्थ्यको लागि अम्बाको पातको प्रयोग निकै लाभदायक हुन्छ ।<br /> अम्बाको पातबाट पाइने फाइदाहरु<br /> – अम्बाको पातको रस निकालेर खानाले शरीरको तौल कम गर्न सकिन्छ ।<br /> – मधुमेहका रोगीले अम्बाको पात सेवन गर्नु निकै लाभदायक हुन्छ ।<br /> – अम्बाको पातको रस पिउने गर्नाले उच्च रक्तचाप कम हुन्छ ।<br /> – पखाला लाग्दा अम्बाको पात खायौँ भने पखाला रोकिन्छ ।<br /> – पाचन तन्त्रको तन्दुरुस्त राख्नको लागि अम्बाको पात लाभदायक मानिन्छ ।

अम्बाको पातबाट पाइने फाइदाहरु

हाम्रै घर तथा वरपर पाईने कतिपय यस्तो चिजहरु जसको प्रयोग र फाइदाको बारेमा हामी अन्जान रहेका हुन्छौँ र सानो समस्यामा पनि केमिकल युक्त बजारमा प...

Read more »

नियाकै सबैभन्दा महंगो तरकारी हो, गुच्छी च्याउ ।

तरकारी किन्न बजारमा जाने गृहिणीहरुको दैनिकजसो गुनासो हुनेगर्छ की तरकारीको भाउले आकास छोइसक्यो । बजारको मामुली तरकारीको भाउले समेत आकास छोइरहेको परिप्रेक्ष्यमा यदि उनीहरुलाई दुनियाकै सबैभन्दा महंगो यस तरकारीको बारेमा सुनाइदिने हो भने साँच्ची आफ्नै कानमाथि विश्वास गर्न सक्दैनन् होला ।<br /> दुनियाको सबैभन्दा महंगो तरकारीको भाउ सुन्दा जो कोहीपनि तिनछक पर्दछ । दुनियाकै सबैभन्दा महंगो तरकारी हो, गुच्छी च्याउ । नेपालका समेत उच्च पहाडि तथा हिमाली भेगमा पाइने तर खासै महत्व नपाएको गुच्छी च्याउ भारतमा भने सुनको भाउमा बिक्ने गरेको छ ।खासगरी हिमाचल, कश्मीर लगायतका क्षेत्रमा पाइने गुच्छी प्रति किलो २५ देखि ३० हजार भारुमा बिक्दछ । भारतीय सचार माध्यमका अनुसार बिजुली चम्किएको बेला हिउँ पग्लिएपछि हिउँमुनिबाट यो च्याउ बाहिर निस्किन्छ ।<br /> <br /> यसलाई मानिसहरुले टिपेर जम्मा गरेर राख्ने तथा जाडोको मौसममा पकाएर खाने गर्दछन् । वैज्ञानिक नाम मार्कुला एस्क्यूपलेटा रहेको यो च्याउ औषधिय गणले युक्त छ । भारतमा ठूला ठूला कम्पनी तथा होटेलहरुले यसलाई महंगोमा किन्ने गरेका छन् । त्यसैले भारतमा गुच्छी पाइने क्षेत्रका मानिसहरु फेब्रुअरी देखि अप्रिलसम्म गुच्छी खोज्न पहाडतिर धाउँछन् । यो च्याउको माग भारतसँगै अमेरिका, युरोप, फ्रान्स इटाली तथा स्विजरल्याण्ड सम्मै रहेको छ ।

नियाकै सबैभन्दा महंगो तरकारी हो, गुच्छी च्याउ ।

तरकारी किन्न बजारमा जाने गृहिणीहरुको दैनिकजसो गुनासो हुनेगर्छ की तरकारीको भाउले आकास छोइसक्यो । बजारको मामुली तरकारीको भाउले समेत आकास छोइरह...

Read more »

झट्ट हेर्दा भुत जस्तो लाग्ने यिनी भुत नभएर पाकिस्तानका एक किशोर

झट्ट हेर्दा भुत जस्तो लाग्ने यिनी भुत नभएर पाकिस्तानका एक किशोर हुन् जसले आफ्नो दुवै आखा सजिलै बाहिरा निकाल्न सक्छन र फेरी भित्र हुल्न सक्छन - हेर्नुहोस क्यामेरामा उनले आफ्नो अनौठो कला यसरी देखाएझट्ट हेर्दा भुत जस्तो लाग्ने यिनी भुत नभएर पाकिस्तानका एक किशोर हुन् जसले आफ्नो दुवै आखा सजिलै बाहिरा निकाल्न सक्छन र फेरी भित्र हुल्न सक्छन - हेर्नुहोस क्यामेरामा उनले आफ्नो अनौठो कला यसरी देखाए

झट्ट हेर्दा भुत जस्तो लाग्ने यिनी भुत नभएर पाकिस्तानका एक किशोर

झट्ट हेर्दा भुत जस्तो लाग्ने यिनी भुत नभएर पाकिस्तानका एक किशोर हुन् जसले आफ्नो दुवै आखा सजिलै बाहिरा निकाल्न सक्छन र फेरी भित्र हुल्न सक्छन...

Read more »

A ‘special polio immunisation programme’

A ‘special polio immunisation programme’ announced by the government for 15 districts is likely to be postponed due to protests of health professionals. Earlier, the programme was scheduled for coming February 18-19.Health professionals across the country are on a warpath, demanding the enforcement of the Health Act and it is almost sure that the immunisation drive would be postponed, according to Child Health Division’s immunisation section programme officer Basanta Shrestha.We see no possibility of launching the programme on the scheduled date even if agitating health professional returned to work by a couple of days. The new schedule for the programme would be announced later.The government has a target of administering polio drops to some 1.69 million under five during a special campaign. Though Nepal had got the certificate of polio eradication in 2010, the decision to organise a special drive was taken bearing in mind its high risk of its reoccurrence in the country as the cases of this acute viral disease are still in existence in Pakistan and Afghanistan.The UNICEF is to support the programme as it is providing vaccines. Likewise, the World Health Organisation (WHO) is financing Rs 15 million to the programme. The WHO has set a target of eradicating this disease from the world in 2018, the Division said.

A ‘special polio immunisation programme’

A ‘special polio immunisation programme’ announced by the government for 15 districts is likely to be postponed due to protests of health pr...

Read more »